الثلاثاء، 17 أغسطس 2010

الخوف من الحب هو دائما إعتراف بسيطرة هذا الحب علينا..فنحن حينما نخاف من أن نحب شخصا ، نكون في الواقع قد أحببناه بالفعل وأنتهى الأمر..

احلام مستغانمي

الأحد، 15 أغسطس 2010


لو كنت في كل مره افكر فيك.. لمست نجما من نجوم السماء,.. لاصبحت السماء مهرجانا من النور



أنيس منصور

السبت، 14 أغسطس 2010

ايمي...اصلها بتفرق



ف الاول الكلمات دي الكاتب اللي كتبها بجد احييه عليها

الكلمات دي مش مجرد مكتوبة عشان تكون احن يتغني بين راجل وست


لاء الكلمات دي بجد منطبقة علي ايمي انتيمتي...بجد كل كلمة انا حاسة بيها انها

اتعملت مخصوص عشانها....

انا لو اتكلمت وحكيت عن انتيمتي وازاي كل كلمة بتحكي عليها مش هحتاج مدونة

لاء انا هحتاج عمر بحاله بس انا هكتفي بالصورة دي ...

صورة ايدي وايديها...يمكن ناس كتير تستعجب وتقول ايه ده

بس بجد الجزء ده من الصورة بيعنيلي كتير اوووووووووي

ومعناه عندي كبير اووووووووووووووووووي


ربنا يخليكي ليا يا احلي ايمي ف الدنيا

بجد انا بصلي شكر لربنا انك معايا ف دنيتي

ربنا يخليكي ليا ويكرمك ف حياتك وييسرلك كل امورك يارب


واسيبكم مع الكلمات الرائعة اللي انا حاسة كل جزء فيها تجاه ايمي

وبهديها كل كلمة وكل حرف فيها ...بحبك اووووووووووووووووي

ويارب نفضل مع بعض علي طول يارب

قدرى إختارلى اكون ليها وانا سلمت وقلبى إختار

شوفت الجنه فى عنيها إزاى اسيبها وأعيش فى النار

أصلها بتفرق فى حياتك واحده

من اول ما تعيش وياها تلقاها معاك ملهاش بديل (فعلا ملهاش بديل)
أصلها بتفرق وانا عاشق واحده وبحب ودايب فى هواها
وعيونها فى ليل الغربة دليل


حبها فى قلبى ودى اجمل واحده(حقيقة مؤكدةانها اجمل واحدة)

ملقتش جمالها فى ولا واحده والله ملهاش بديل
أصلها بتفرق فى الشوق والوحده


فى حياتى وهى هنا معايا الدنيا بحالها مابتسعنيش(اه والله بتبقي الفرحة مش سيعاني وانا معاها ببقي طايرة م السعادة يكفي اننا بننسي الدنيا لما بنشوف بعض)


أصلها بتفرق وانا روحى فى واحده

وبفكر ليل ونهار فيها والشوق بيزيد مبينتهيش
حبها فى قلبى ودى اجمل واحده


ملقتش جمالها فى ولا واحده

والله ملهاش بديل

أصلها بتفرق فى حياتك واحده
من اول ما تعيش وياها تلقاها معاك ملهاش بديل


أصلها بتفرق وانا عاشق واحده

وبحب ودايب فى هواها وعيونها فى ليل الغربة دليل
أصلها بتفرق من واحده لواحده


فى واحده تنساها بواحده وواحده مبتتنسيييش(عمري ف حياتي ...لان اللي زيها مينفعش يتنسي ده اذا كان في منها اتنين ف الدنيا اصلا)

بحبها اوي يارب...يارب احفظها واحميها وخليهالي واهم دعوة بجد
ديم علينا النعمة الحلوة اللي ما بينا دي والمحبة الجميلة اللي ف قلوبنا لبعض

اللي اذا قولت عليها حب ابقي بجد موفتش المشاعر حقها لانها تخطت الحب بمراحل
يارب خليهالي وييسرلها كل امورها وخليك معاها يارب ....بجد بحبها

ايمي ....حقيقي اني احبك ف الله :)

الاثنين، 9 أغسطس 2010

الأحد، 8 أغسطس 2010

"لقاء ثاني"


شمس نهارك أضاءت * لي طرقات حياتي
وقمر ليلك أشرق * لي ظلمات آهاتي
يامن تشير فتسمع قلبي * يجيبك بالدقات
وعبر قلبي لم تسمع شئ * إلا همساتي


وفي نهار للحب ضاءت شمسه *كنت انتظرك بمر دقات الساعات
وف اشراق فجر جديد ودعك قلبي* وفي عينانا نظرات


هل من امل لقاء ثانٍ؟ * ام من وداع أحبة بالعبراتِ؟
أتقولها أحبك نزلت علي * حروفها كعقد دُرٍ أنفرطت منه الحبات
وف خشوع صلاةٍ نزلت دموعي * لربي من اجل اجابة الدعوات
وف حضن ليل تضمني * نتمتع معاً بهواء النسماتِ

كيف ترد عنك أذى القدر عندما تتزامن فاجعتان ؟ وهل تستطيع أن تقول إنّك شفيت من عشق تمامًا من دون أن تضحك ، أو من دون أن تبكي!

احلام مستغانمي

الاثنين، 2 أغسطس 2010

احزان فتاة

مش عايزة ارتب الكلام ولا انسقه ...عاوزاه يطلع زي ماهو
هبدأ بجملة بجد حساها اووووووووووووي
(كان حلمي وهمي وانا صدقت للاسف صدقت
انا موصلتش لحاجة م اللي حلمت بيها سوء اختيار ده ولا سذاجة ولا ايه )

كنت فاكرة ان اكتر حاجة ممكن تكسر الانسان وتخليه ضعيف
اضعف من ورقة الشجر ....ان حد عزيز عليه يموت....
بردو كنت فاكرة ان من اكتر الحاجات اللي ممكن تكسر الواحد
ان اتنين بيحبوا بعض يبعدوا عن بعض ....وتفرقهم الظروف
او ان واحد فيهم يطلع معندوش اخلاص ويتخلي عن التاني
او الواحد ممكن يتكسر عشان اعز اصحابه طلع ندل...واتخدع فيه


بس اكتشفت ان حاجات كتير اووووووووووووووووووي ممكن
تكسر الانسان...مش عاوزة اقول ابشع م الحاجات اللي قولتها دي
لان ممكن متكنش ابشع ....بس تاثيرها فعلا قوي ....تأثيرها
بيخترقك من جواك ...ويهزك لدرجة انك تفقد التوازن


ابسط حاجة لما تكون باني امل علي حاجة معينة....بتحلم حلم
من زمان اوي وانت بتحلمه .....وكل ما السنين بتقرب علي حلمك
تبقي فرحان...لحد ما ساعة الصفر تقرب ....خلاص ناقص تكة واحدة
والساعة تدق عشان تدخل جوة حلمك وتكمله وانت جواه ....


وفجاة ساعة الصفر تدق بانهيارات....وامال بتتهدم...وصدمة شديدة
اووووووووووووووووووووووووووووووووووووي
تسال نفسك كل لحظة انا عملت ايه عشان يحصلي كده
وامتي هيخلص الكابوس ده وافوق منه!!!!!!!!!

في جزء ف اغنية شدني اوي
حسيته اووووووووووووووووووي
بيقول :
تفتح عينيك تتلم احزانك عليك تتهد احلامك فوقيك وتقسمك نصين
احساس فظيع ان اللي روحك فيه يضيع وتتوه ويا السنين

ياااااااااااااااااااااااااااااه....تخيلوا حلم كان قرب يبقي حقيقة
وفعلا فعلا حلم اتعلقت بيه بكل المقاييس....فعلا كانت روحي فيه
عارفة ان كل حاجة باذن ربنا ....وان يمكن اذا كان اتحقق
كان يحصل لي حاجة ....ويمكن اللي حصل ده خيرواكيد خير
لانه من عند ربنا اللي احن علينا من اي حد ف الدنيا
كل الكلام ده انا عارفاه ....بس الصدمة ....
الصدمة كانت شديدة اوووووووووووووووووووووي
حسيت ان حد جاب سكينة تلمة اووووووووووووووووووي
وغرسها ف قلبي .....وقلبي عمال ينزف دم......

حاجات كتير اووووووووووووووووي حسيتها من جوايا
لخصتها ف جملة واحدة ( انا حاسة اني اتكسرت وبقيت عاملة زي ورقة الشجر)
ودي كانت جملة ....استحالة ابدا تكون وفت وبينت وقدرت تبين اللي جوايا
اللي جوايا اعمق من مجرد جملة انا حاسة اني اتكسرت
حاجات كتير اوووووووووووووووووووي حسيت انها اتشرخت جوايا
افتكرت زمان لما كنا اطفال وكنا نبقي متفقين مع اهلنا ان النهارده هنروح الملاهي
ويرجعوا م الشغل تعبانين ...ويقولولنا معلش اجلوها ليوم تاني
ونحس بخيبة امل ....
ايه ده كان احساس وحش
خيبة الامل.....ياااااااااااااااااااااااااااااااااااااااااااااااااه
انا عارفة وواثقة اني اقوي من ان اي حاجة ف الدنيا تهزني


بس فعلا المرة دي الصدمة اللي اتصدمتها كانت شديدة...افقدتني التوازن
علي اد مانا حزينة اوي من جوايا اني فقدت التوازن ولو للحظة واحدة
علي اد مانا راضية وبقول الحمدلله ان مازالت ثقتي بنفسي موجودة وعارفة
انه اختبار من ربنا ....والحمدلله انا راضية بقضاء الله

ع الرغم من انه اختبار صعب اوووووووووووووووووووووووووي
وعمري ما توقعته ابدااااااااااااااااااااااااااا...ولا عمري كنت اتوقع اني احس الاحاسيس دي
ف حياتي.....
بس خرجت منه بحاجات كتير اوووووووووووووووووووووي

علي اد ما احلم ...علي اد ما متعلقش بحلمي
علي اد ما اتوقع ان ممكن اي حاجة ف الدنيا تحصل تبعدني عن حلمي

نفسي اقول كفاااااااااااااااااااااااااااااااااااااااااااااااااااااااااااااااااااااية بأعلي صوت ليا
كفاااااااااااااااااااااااااااااااااااااااااااااية لسنة 2010 .....مفيش سنة ف حياتي كانت كده
اد السنة دي بجد....
مش ممكن ...من اول شهر 1 وبيحصل حاجات لاقرب الاقربين ليا
ف شهر 4 جدتي توفت...واخويا عمل حادثة
شهر 6 والدي دخل المستشفي
شهر 7 بابا رجع دخل المستشفي تاني
في ايه ....كفاية بقي ...مبقتش قادرة اتحمل بجد
عارفة انه نصيب وقدر ....وان ربنا عايز كده


بس من جوايا خلاص قدرتي بتنتهي بمعني الكلمة
بدعي من كل قلبي يفرجها علينا ....ويرزقنا القوةويعينا بجد
انا واثقة ف ربنا انه معانا وانه هيفضل معانا وانه هيعينا ويقوينا
ياااااااااااااارب ....اللهم انك عفو كريم تحب العفو فاعفُ عنا

الصورة دي بالذات كنت هكتب عنها كلام ...بس هكتفي بيها
لان اللي عارفيني ومقربين مني بجد ..هيعرفوا انا حطيت الصورة دي
بالذات ليه .....