الثلاثاء، 30 أغسطس 2011

آآآآآآآآآآآآآآآآآآآآه...مصدومة

آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآه

نفسي تطلع بجد ...من جوووووووة 

يمكن ارتاح .....

مكنتش اعرف اني بحبها اووووووووووي كده 

الله يرحمها .....يارب وثقت فيك تدخلها الجنة 

وتغفرلها.....وتصبر اهلها...وتصبرنا كلنا 

بجد مكنتش متخيلة اني ف يوم من الايام 

اسمع خبر زي ده :( 

يارب

انا حتي من كتر الصدمة ...متنحة...مش عارفة اعمل حاجة

يارب

يارب

يارب 

اهلا اهلا بالعيد مرحب مرحب بالعيد




 كل سنة وانتم طيبيييييييييييييييييييييييييييييييييييييييييييييييييييييييين 

ويارب  يكون رمضان اتقبل مننا برحمة ربنا طبعا يارب 

ويارب يارب يارب ميعديش شهر 9 الا وكل هموم المسلمين

تكون مفكوكة ياااااااااااااااارب وربنا يفرجها علينا جميعا

قولوا آآآآآآآآآآآآآآآآآآآآآآآآآآآآآآآآآآآمين

;) 

الاثنين، 29 أغسطس 2011

يـــــــــــــــــــــــــــــ♥ـــــــــــــــــــــــــــارب



من فترة لما كنت اضايق وحد يقولي قولي يارب



كنت بقولها عادي...يارب 





بس الايام دي حساها اووووووووي لما بقولها


بجد بتطلع من جوة فعلا.....يارب متحرمنيش 

من احساس اني اقولها من جوة كده 

*****************************

النهارده مفطرتش كويس

وماخدتش المضاد الحيوي 

ومتسحرتش كويس بردو 

بس اخدت المضاد الحيوي :( 

لامتي التوهان اللي انا فيه ده مش عارفة

ربنا يستر 

****************************

اصعب حاجة ان احساس يموت ويرجع تاني 

يعني زي ما يكون اتنين اصدقاء اوووووي 

مثلا ....مرجانة وعتريسة :D 

مرجانة جرحت وبهدلت عتريسة ....ف عتريسة 

احاسيس الصداقة اللي جواها لمرجانة ماااااااتت 

بل مش لمرجانة بس ....لكل الأصدقاء 

اي نعم بعد ما بعدت عن مرجانة عرفت 

كتييييييير.....وكتيييييير حاولوا يبقوا اصدقاء ليها 

بس الاحاسيس ماتت :( مش سهل اوي ترجع تاني 

وفجآة عتريسة تقابل رشيدة....رشيدة ترجعلها 

كل الأحاسيس اللي ماتت...وتحسسها بحاجات حلوة

اوووووووووووووووووووووووووووووووي 

وفجآة رشيدة تختفي .....وترجع عتريسة تحس 

بنفس شدة الوجع تاني.....احساس خنيييييييق 

ان نفس الشخصية اللي ترجعك لكل الاحاسيس 

الحلوة دي ...هي هي نفس الشخصية اللي تختفي فجآة

يارب 

بعيدا طبعا عن عالم البحار اللي انا حكيته ده :D
بجد الموضوع ده بيوجع اووووووي 


***************************

احساس بيوجع اوووووووووووووووووي 

لما يكون نفسك تكلم حد....وبتمنع نفسك بكل الوسائل 




*****************************



Really  I Miss YoU :( 

*****************************

بالنسبة لكذا حد من اصحابي كلموني ع الميل والفيس 

النهارده ...وخدوا بالهم تماما اني متغيرة....

متزعلوش مني اني مقولتش سبب خنقتي 

بس هتعدي والله وهرجع مستقرة نفسيا زي ما كنت 

بس انتوا عشان بتحبوني ...هتدعولي ...مش كده ;) 

*******************************



يـــــــــــــــــــــــــــــــــــــارب



*****************************************

ايه الضحك ده !!!!!!!!

ايه الضحك ده....في ايه...انا عمري ما كنت كده 


انا جايالي حالة من هيستيريا الضحك المتواصل 

علي اي حاجة وكل حاجة ............


انا مش عايزة كده....انا عايزة اللي جوايا اخرجه 

الضحك بالمنظر ده عارفة هيعمل فيا ايه ف الاخر

مش اسلوب  :( 

يارب 

الأحد، 28 أغسطس 2011

كلام واتبعتر

يارب مش عايزة حد يتوجع بسببي....مش عايزة حد يعرفني يتوجع بسببي

يارب مش عايزة حد ميعرفنيش يتوجع بسببي...لا من بعيد ولا من قريب

انا عارفة اني لو وجعت اي حد يعرفني...هيبقي في فرصة احكي واتكلم

واشرح....ويمكن يبقي في فرصة تسامح .....انما اللي ميعرفونيش :(

هيتوجعوا مني...من غير ما اشرح اسباب....من غير ما اعرف احساسهم

ايه دلوقتي...من غير ما اعرف ياتري ف يوم حد فيهم نام مووووووجوع

اوووووووووووي مني...ولا الدموع غرقت المخدة...ولا حتي اتقال ف حقي

حسبي الله ونعم الوكيل فيها

يارب انت العالم انا مش كده ولا عمري مرة عاوزة ابقي كده

والله انا مقصدتش اوجع حد....بس ده اللي حصل...غصب عني

اووووووووووووووووووووووووووووووووووووووووي

وانت العالم يارب....كل حاجة من البداية مكنتش ف بالي

يارب وفقني ف كل اللي جاي...ياااارب يسرلي الخطوة الجاية

نفسي اووووووووووووي اخد الماجستير...يارب انت العالم

باللي جوايا....ياااااااارب انا مستحملش لحظة حد يتوجع بسببي

يارب خليني ف نظر الكل أمنية ....زي ما اتقالتلي مرة...خليني

دايما البلسم اللي بيهون عليهم كل حاجة...يارب مبقاش السوط

اللي ينزل عليهم يوجعهم....لانه هيوجعني قبل ما يوجعهم

يارب ...مش عايزة ابقي كده

**********************************

أحلي حاجة اني كنت رجعت لاحاسيس نسيتها من زمن

ومتوقعتش انها تصحي تاني....وابشع حاجة...اني كنت

نسيت طعم الوجع ده بالذات....ورجعتله تاني :(

*********************************

باقي اقل من 10 ايام ....علي حلم حياتي ف اني اخد

قراري ف الدراسات العليا ....يارب وفقني

أعتقد لما انزل اخد الكورس وابدا ف المحاضرات

هتشغل وانسي.....صح ؟؟؟!!!!!

يمكن !!!!!


بس ياتري بعد ما انسي...بكرة هيخبي ايه :(

يارب
********************************
كلمات عجبتني اووووي :

مش كل حلم نشوفه سهل هنبقي حققــــــــاه

ده ساعات بيبقي السهل صعب لما نتمـنـــــــــاه
والدنيا عمر ما حد جالها وعاشها من غير آآآآآآآآه
أوقات بنتجرح ونجرح واحنا مش حاسين
وان حد فينا حب يفرح فرحه يبقي حزين
أيام وبتعيشنا وفاكرين اننا عايشين





صح والله....ان حد فينا حب يفرح ...فرحه يبقي حزين :(



احمينى من نظرة عنيكى..

مقدرش اكون دلوقتى ليكى..

مقدرش افتحلك طريقى....



حلوة بجد...ومحسوسة اووووووووووووووووووي



مركب ورق ف البحر....والبحر قلبه كبييييييييييييييييييير
كبييييييييييييييييييييير كبييييييييييييييييييييييييييييييير

مركب ورق قلبي بتعاند المجادير
مركب ورق قلـــــــبي بتعاند المجاير


موج ياخدها لفوق.....وموج يطوحها
شطوط بتحضنها....وشطوط بتجرحها
والبحر بجلاله

كتيييييييييييييييييييييييييييييييييييييييييييييييييييييير

مابيسعهاش

مركب ورق قلبي آوان فرحها مجاش

آآآآآآآآآآوان فرحها مجاش :(

*****************************************


كان نفسي أقول غنوتي ..

ناعمة رومانسية ..
طلع الكلام ناشف ..
كاشف هموم فيا ..
لا القلب نفس القلب ..
و لا الحياة ..
هيّ


****************************************

سيبها بظروفها دي حاجة اكيد منضمنهاش
ليه نمشي ف سكة آآآخرتها منعرفهاش

حلاوة روح بروح للي مريحناش
روحي بتعافر ف حاجة خلاص
متنفعناش ....تعبت بجد من
ناري اللي مبتهداااااااااش
تعبنا كتير يا قلبي وبردو
موصلنااااااااااااااااااش

**************************************

سنين كتير م العمر عدوا
ف سؤال معرفش رده

اسئلة كتير والله

وعشان نشوف ...لازم نشوف من الناحيتين


بتلف الدنيا بينا وساعات بتجرحنا
ايام بتفوت علينا وتاخدنا من روحنا

ساعات بنتألم...وساعات بنستسلم
بس الاكيد مع كل جرح لازم بنتعلم

احنا اتخلقنا ف الحياة علشان نعيشها
مهما تكون فينا الجراح لازم نحوشها

الليل ساعات بيكون غميق
بس النجوم مالية الطريق

مش كل سكة بنمشي
فيها الشوك هيفرشها

لو حتي كان خوفنا
ف الليل بيخطفنا
في نور جديد
جاي من بعيد
شايفينه وشايفنا

***************************************

اللي ضايقني اووووووووووي اني كنت عاملة
نفسي جامدة اووووووووووووووووي

بس طلعت ورق اوووووووووووووووووي

كنت فاكرة اني عمري عمري ما
هحس الاحساس ده تاني
وحسيته تاني... :(

******************************************
بنلف فى دواير و الدنيا تلف بينا دايما بننتهى لمطرح ما ابتدينا

طيور الفجر تايهة فى عتمة المدينة
بتدور ما بنكتبش الرسايل ما بنتظرش رد

لا حد فى يوم سمعنا و لا بنسمع حد
طيور العمر تايهة فى عتمة المدينة بتدور
ساكنين فى عالم يعشق الخطر
فيه الطيور تهرب من الشجر
و تهرب النجوم من القمر
و تهرب الوجوه من الصور
بنلف فى دواير ندور على الأمان
و نلاقينا رجعنا تانى لنفس المكان
ندور ندور ندو
ر نحلم و نحلم بالحياة المفرحة
و اتارى احلامنا بلا اجنحة بلا اجنحة
ندور ندور ندور
بجناح حزين مكسور
ساعات نشوف فى العتمة
و ساعات نتوه فى النور
ساعات عيونا بالاسى تفرح
وساعات فى ساعة الفرح ننوح
ولا حاضر ولا ماضي
تروس بتلف ع الفاضي
ولا فينا شباب زعلان
ولا فينا شباب راضي
مفيييييييييييييييش
غير اننا بندووووووور

************************************
Just 4 u : I Respect YoU

***********************************

سبحان الله الانسان مننا مفيهوش وجع :(

يارب ...هي الكلمة الوحيدة اللي بتحسسني
بطاقة نور كبيرة اووووووووووي ف عز
الضلمة الجامدة اووووووووووووووووووي
يــــــــــــــــــــــــــــــــــــــــــــــــارب

************************************

ليه بعد ما خلصت البوست ونزلته
وقريته من الاول كله
عيطت كده :(
هو الكلام بيوجع اوي كده :(

الخميس، 25 أغسطس 2011

حاجات كتيييييييييييييييير

بنتي شهد ...حاسة انك وحشااااااااااني اوووووووووووي بجد

الله اعلم هشوفك ف يوم ولا لاء...بس مش عارفة

حاسة اني نفسي اشوفك اوووووووووووووووي

نفسي احضنك جداااااااااااااا...احساس حلو اوووووووي

احساس الامومة....بجد احساس يستاهل ان الواحد يضحي

عشانه بحاحات كتيييييييييييييير

لأي حد ميعرفنيش....انا مش مرتبطة ولا متجوزة

بس حلم عندي احساس الأمومة....ان شاء الله

بثقتي ف ربنا...هيرزقني بالحلم ده

******************************


لكل واحدة وواحد بيقولوا الموضوع ده مش ف دماغي

ع الحب او الارتباط او الجواز....سيبوا الحياة تمشي

متحكموش ولا تقولوا قرارات...لانكم مش عارفين

بكرة مخبي ايه.....ممكن اووووووووووووي

نصيبكم يجيي ف لحظة غريبة تبقي ولا علي

بالكم .....تكونوا بتقضوا مصلحة ....تكونوا

ف فرح....تكونوا عند قرايبكم....تكونوا ف اي مكااااااااااااان

وممكن يطلعلكم ف تدوينة :D

******************************

احلي حاجة ف الحياة اصلا وجود شخص ف حياتك

يهتم بيك...يسأل عليك....يخاف عليك....حياتك

تتملي بيه....احساس حلو...انك تبقي فجآة كده

بقيت مشغوف بشخص ما ....مش عارف لا ازاي

ولا امتي....ولا ايه اللي حصل....بس كل اللي تعرفه

ان الشخص ده بقي حاجة ف حياتك...مش مهم بقي

مين ف حياتك...بس بقي له مكانة ف حياتك

دعوة حقيقية : ربنا يرزقني بالزوج الصالح
وإياكم يااااااااااارب سواء شباب او بنات ..بس الشباب
زوجات صالحات بقت .

كل اصحابي المرتبطين او المتجوزين....فعلا اثبتولي

ان احساس الحب ده بجد يستاااااااااهل...احساس ان

في حد معاك وف حياتك احساس رااااااااااااااااائع

ربنا يباركلكم جميعاااااااااا .

*******************************

رمضان بيخلص :( حاسة انه هيبقي فانحة خير علينا

ف حاجات كتيييييييييير...علي مستوي العالم...علي مستوي

مصر...علي مستوي حياتي....علي مستوي حياة ناس كتير بحبهم وبدعيلهم

وأولهم أهلي....علي مستوي حاجاااااااااااااااات كتير

ياااااارب لا تردنا خائبين.....يارب ارشدني وارزقني بنور البصر والبصيرة

****************************

في حاجات تتحس ومتتقالش ;)

وعشان متتقالش وهتبقي احلي لو سبتها كده ومحددتهاش بوصف

ف انا مش هقول....بس كل اللي هقوله

اني مرتاحة اوي ومبسوطة اوي

ويااااااااارب يديمها نعمة يارب

يااااااااااااااااااااارب

******************

الجمعة، 5 أغسطس 2011




أتشتاقُ لي....تشتاقني
لم تستطع الإستغناء عني
أتُحبُني!!!!!!!

كيف لي أن أصدُقَك؟؟؟
كـــــــــــيف....بربك قُل لي
كـــــــــــــــــــــــيف​!!!!!

كيف...
وقد أصبحت ورقة شجر مُتَساقِطة
من عرش قــــــــــــلـــــــــبي.​...

ورقة تساقطت علي أراضي الوهم
وبرغم المطر....لم تتطهر ولن تتطهر

ستكسوك رمال النفاق
وتغرق في بحر الخيانة

وبعد كل هذا ...
أتعتقد أن لونك قد تغير فقط
من أثر حمامك الشمسي

لا.............لا وألف لا
أنه لون الآثام ممتزجاً
ببشرة تكسوها الذنوب

لقد سقطت...وتساقطت
من قلبي بسيل دماء
شراييـــــــــــــــــــني​

وذرفتك دمعة من مُقلَتيِ
لم تعود......ولن تعود

سقطت....فأصبحت
مِثلُكَ ....مِثلُ لُفافة
تبغ سقطت علي
الأرض ف تدهَسُها
ملايين الأرجل

احتقــــــــــــــــاراً
ونُفـــــــــــــــــــورا​ً

ليه بتحبي تلبسي بكعب؟؟؟؟!!!!




امبارح كنا كلنا متجمعين .... ف بنت خالي الصغيرة

عندها 5 سنين .....شافت الشوز بتاعتي....وسألتني

انتي ليه بتحبي تلبسي بكعب؟؟؟؟؟!!!!!!!!!!!

قولتلها عشان انا بحب الطول....برغم ان طولي عاجبني جداااااااا

وبرغم اني مش قصيرة ...من وجهة نظري....لاني 160 ...ف طولي

انا بحبه ....بس بحب الكعب بردو

راقبتها ....لقيتها بتلبس الشوز بتاعتي....وعمالة تحاول تمشي بيها

يااااااااااااااااااااااااااااااااه.....فكرتني بأياااااااااااااااااااااام زمان...لما كنت

ألبس شوزات ماما...وخالاتي كمان....عشان بكعب...وابقي معجبة بنفسي

وانا ماشية فيهم

ليه بقي دايما الواحد بيستعجل سنه ....عاوزين نكبر....عاوزين نلبس بكعب

عاوزين نلبس فساتين زي البنات....

عاوزين نعمل ونعمل نعمــــــــــــــــــــــــــــــــــــل

ولما نكبر.....نقول

"قولت ياريتني فضلت صغير زي زمان"

بس البنوتة دي...عيشتني لحظة...حسيت للحظة ياااااااااه لو كانت بنتي

لو الكائن اللي بيتحرك قصادي ده ...وبيعمل حاجات كنت انا اللي بعملها

زمــــــــــــــــــــــــــــــــــــــــــاااااااااااااان.....ياتري كان احساسي هيبقي عامل ازاي وقتها

اكيد كانت كلها هتبقي مشاعر مختلطة بس حلوة


هحفظ اللحظة دي جوايا....لحد ما ربنا يكرمني.....

ب (بنتي) "شهد" ان شاء الله

حقيقي وحشاني اوووووووووووووووووووووي يا شهد :)

الخميس، 4 أغسطس 2011

متطلبات اللاعودة

يمكن الاسم غريب...بس اول يوم رمضان حلمت حلم فيه كلمة عودة

لما صحيت جه ف بالي العنوان ده ...وقولت هكتب تدوينة عليه

رمضان حلو اوووووووي...اي نعم السنة دي جه بسرعة

وليلة رمضان انا اصلا كنت عاوزاه يتأخر شوية

بس بمجرد ما دخلت ف المود...في حاجة حصلت جوااياااااا

استقرار...راحة...نفسي اكمل...نفسي اقرب من ربنا

نفسي اداوم بعد رمضان ع الاذكار...نفسي اداوم ع القرآن

نفسي مرجعش تاني...نفسي اكمل نفس الطريق

نفسي يبقي عندي اليقين بالله بنفس الدرجة دي واكتر

نفسي املك كل متطلبات اللاعودة...الايمان ...الصبر

حب ربنا اووووووووووووووووي

نفسي اقفل علي نفسي كل باب لاي ذنب حتي ولو صغير

نفسي احس من جواياااااااا اني طاهرة اوي ونقية اووووووي

نفسي احس بصفااااااااااااء ورضا ......

نفسي احلامي تتحقق ...نفسي الكام دعوة المهمين اووووي بالنسبالي يتحققوا

نفسي ف حاجات كتييييييير ومش بعيدة علي ربنا

نفسي ابطل حااااجاااااات كتير بتبعدني عن ربنا

نفسي اقربلك يا رب ..... نفسي اموت علي طاعتك

نفسي اعمل عمرة اوووووووووووووي

يارب اكتبهالي انا واهلي وكل حبايبي والمسلمين

يارب نفسي ازور بيتك ....نفسي بس المسه برجلي...نفسي اشوف الكعبة من قريب

نفسي ادعي هناك....نفسي ازور الرسول ....

يارب مش كتير ولا بعيد علييييك

يارب انا بدعيها بقالي شهور....نفسي اوووووووووي

قلبي محتاجها .....يااااااااارب نفسي ارجعلك

بنت خالي الصغيرة...بتقول انا نفسي احضن ربنا

انا مش عارفة يصح التعبير ده ولا لاء....انا نفسي اعيط بين ايديك ياااااااارب

والطبطبة تجيلي من عندك

مش عايزة حاجة من اي حد....

عايزة طبطبتك...وكرمك ...وحنان...وعفوك...ورضااااااااااك

يارب انا عارفة اني لا استاهل ولا استحق كل ده ....بس يارب

اقسم بالله انا ندمانة اوووووووووووووي ونفسي اقرب منك

يارب ارضيني وراضيني وحببني ف الايمان والطاعة

يارب شيل الغشاوة اللي علي قلبي...يارب نفسي ارجعلك

يااااااااااارب ماليش غيرك

يارب اغفرلي وارحمني.....يارب استجب

اللهم صلي علي سيدنا محمد وعلي آله وصحبه أجمعين