بحب مشاركتي لأصحابي ف خطوات مستقبلهم
بمعني ....مؤخرا كده ماشاء الله لا قوة الا بالله ....كذا بنوتة من صحباتي جالهم عرسان وماشاء الله الدنيا ماشية ....بدأوا يحكولي وياخدوا رأيي ف حاجات ....انا بحب كده جدااااااااااااااااااااااااااا
وخصوصا لما بكون معاهم من البداية :)
فاكرة ف رمضان اللي قبل اللي فات ...صديقة ليا كان جايلها عريس ....والمقابلة كانت ف النادي (هي واهلها وهو واهله)
المقابلة كانت بعد الفطار الساعة 8 ....بمجرد ما البنت فطرت ...كلمتني تسألني تلبس انهي طقم ....وانا قولتلها البسي الدريس البني ع الشميز البيج ....والشنطة البيج والشوزة البيج :)
قالتلي البس النضارة ولا لاء ....قولتلها لو الطبيعي بتاعك بيها البسيها ....الطبيعي بتاعك من غيرها يبقي متلبسيهاش :)
وكل شوية التليفون يرن ....تطلع هي تسالني علي حاجة :)
لدرجة ان ماما قالتلي ....لاء انتي تروحي معاها ;) :D
ولا اخفي عليكم سرا البنت كان نفسها تاخدني معاها :)
وعدي الموضوع :)
كنت حابة مشاركتي ليها ف كل تفصيلة....هي وكل البناويت اصدقائي
بجد بيبقي الموضوع له طابع خاص عندي :)
الايام دي ماشاء الله لا قوة الا بالله كذا بنوتة من اصحابي ماشاء الله بيبدأوا حاجات جديدة اللي بيتقدملها عريس واللي اتقدملها خلاص واللي ماشيين ف الموضوع
ربنا يتمملكم علي خير ويباركلكم ويجعلكم قرة أعين لبعض
ويارب يرزق كل البنات :)
بالمناسبة العنوان انا كتبته كده عشان لما بشوف اي واحدة فيكم عروسة سكر ....بلاقي نفسي ف المرايا زيك بالظبط ...بشوف نفسي فيكي ....ببقي فرحانة لفرحك ....وببقي مبسوطة ليكي اوي...وقلبي بيبقي بيدق اووووووووووووي من كتر فرحتي بيكي :) <3
لكل البناويت اللي كلموني مؤخرا عن مواضيع ليهم
ربنا يباركلكم ويحفظكم واشوفكم بالفساتين البيضا قريب
اللهم آآآآآآآآآآآآآآآآآآآآآآآآآآآآآآآمين
